30/05/11

Publicât l’otâf volum dai “Cuaders di Culture Cjargnele”

Juste denant Nadâl al è jessût l’otâf volum dai “Cuaders di Culture Cjargnele”, publicât come simpri par cont de Universitât de Tierce Etât de Cjargne e curât dal cors di lenghe e leterature ladine-furlane. Cheste volte in vieste grafiche gnove, co la cuviertine nus mostre une biele imagjin de glesie di Sant Roc di Pani di Raviei, realizade di Mario Linussio. Il parcè di cheste sielte al è daurman displeât: il cuader si vierç cuntun contribût di Pier Arrigo Carnier che al à juste apont par titul “Intune gnot di nêf e di sanc - La saghe dal Ors di Pani”. Mai cui jerial l’inmò innomenât Ors di Pani? L’Ors di Pani, sorenon di Antoni Zanella, al jere arlevadôr di animâi e paur, nassût a Damâr tal 1882 e muart a Pani di Raviei ai 5 di Març dal 1955. Paron di un ric arlevament, al è deventât innomenât sevi in Cjargne che venti jù pal Friûl, pe sô vite al stât salvadi e pai siei mûts di compuartâsi fûr dal ordenari. Al vignì sassinât par cuestions di gjelosie: chest al inviulà il metisi adun di no pocjis leiendis sul so cont.
Simpri inte prime part dal cuader, dulà che a front dai tescj origjinaris par talian si cjate la traduzion par furlan fate dai arlêfs dal cors, o cjatìn purpûr une biele conte dal celebrât scritôr di Asiago Mario Rigoni Stern, vignût a mancjâ ai 16 di Jugn dal 2008, che e à par titul “Ferie d’Ottobre / Feriis di Otubar”, ambientade a Sauris/Zahre. Inmò inte prime part e simpri sul cont di Mario Rigoni Stern, al è cjapât dentri un ricuart dal scritôr di Asiago di Ermes Dorigo, che cun lui al à condividude une sclete amistât. A un ciert pont Dorigo nus pant: “Ae fin dai tiei dîs al jere il barlumâ che cumò tu volevis piturâ, la tô gnot-denant. Forsit il Nadâl-denant che al rive dopo un amont. Un lampizâ inte gnot scure, come un sflandôr soreuman che al puarte a un alc di misteriôs, une lûs che e po vignî dome di dentri. De bande mê, Jacopo, fradi grandon e cjâr, o vorès che lis mês contis a dessin al letôr dome une piçule part dal cetant che tu âs savût dânus”.

La seconde part dal cuader, chê che e cjape dentri lis traduzions dal furlan-cjargnel al talian, e je stade dedicade al poete e artist di Zuviel di Ravasclêt, Casimiro (Miro) De Colle. Chest autôr al è nassût a Zuviel di Ravasclêt tal 1918 e al è muart a Triest tal mês di Fevrâr dal 1991. Emigrant fint di zovin, a 14 agns si cjate bielzà in Corsiche, po a Milan, dopo la vuere a Zurì e in fin a Triest. autodidat, oltri a scrivi poesiis al è stât bon di realizâ oparis preseadis doprant il len, la piere e il metal. La sô esistence e je stade diferenziade, in maniere marcade, de zovinece passade a Zuviel e de partecipazion ae vuere partigjane. Al à publicât dôs racoltis di poesiis inte varietât dal furlan-cjargnel di Zuviel. Di lui Piera Rizzolati, inte jentrade de racuelte titulade “Par no dismenteâ… e cjalâ indevant - Storias di Cjargna, di cjargnei… di paîs e di tant ingegn”, e met in rilêf che: O soi restade cjapade di chel om sempliç, sut tal cuarp, sgjavât in muse, i slançs stratignûts dal pudôr antîc di cui che al à teme di jessi stracapît. Cemût che l’om al è sempliç, cussì e je semplice la poesie di Miro De Colle: poesie di imagjins violentis, di someancis a voltis sconciertantis, poesie di peraulis essenziâls, scletis, a voltis brutâls”.
La tierce part dal cuader e je risiervade, come simpri, ae publicazion des poesiis e des prosis dai arlêfs dal cors di lenghe e leterature ladine-furlane. Cussì o cjatin i contribûts di Renzo Balzan, docent dal cors e coordenadôr dal lavôr di redazion de opare, Ada Brovedani, Maria Grazia Dereatti, Mario Linussio, Fausta Micoli, Eugenia Monego-Ceiner e Maria Caterina Pascoli. 

Gnovis Pagjinis Furlanis (2010)

3 commenti:

Anonimo ha detto...

I think what you composed was actually very reasonable. But, think on this, suppose you were
to write a killer headline? I ain't saying your information is not good, however what if you added a post title that makes people want more? I mean "Public�t l'ot�f volum dai "Cuaders di Culture Cjargnele"" is a little boring. You should glance at Yahoo's front page and watch how they create news headlines to get viewers interested. You might try adding a video or a related picture or two to get readers excited about what you've got to say. Just my opinion, it could bring your posts a little bit more interesting.
Here is my web site : diablo 3 guide

Anonimo ha detto...

This is the perfect webpage for everyone who would like to
find out about this topic. You realize so much its
almost hard to argue with you (not that I really would want to…HaHa).
You certainly put a fresh spin on a subject that has
been written about for many years. Great stuff, just wonderful!
Also visit my web site ... how to get rid of fruit flies

Anonimo ha detto...

Fantastic goods from you, man. I've take into account your stuff prior to and you're simply
too fantastic. I really like what you've bought here, really like what you're stating and
the way during which you are saying it. You make it enjoyable and you still care for to
stay it wise. I cant wait to learn much more from you. This is actually a wonderful web site.
Also visit my weblog - acne came back